Cinarita
saking sahabat Abu Hurairah ra , ngendika
:” Rasulullah saw. Dhawuh hale banyu segara.
Dheweke ( banyu segara ) iku suci
nyucekake banyune lan halal bathange ( iwak segara ). nyaritake hadits iki
ulama hadits kang papat ( arba’at *1) lan imam ibnu syaibah lan
lafadl hadist iki shahih miturut ibnu khuzaimah lan
Imam Tirmidzi , Imam Malik, Imam syafi’I lan Imam Ahmad .
KATERANGAN
HAL BANYU KANGGO SESUCI
1. Thaharah
: tembung thaharah padha maknane
kelawan tembung “ Nadlafah “ kang
maksude resik utawa suci. Ing kalangane
ahli fiqih akeh pendapat bab thaharah, antarane : “ Thaharah yaiku suwijining
perkara kang ndadekake saweneh wong diparengake ngalkoni shalat . kayata Wudlu,
Tayamum lan ngilangake najis ( kitab
fathul Qarib )
2. Suci iku dadi syarat sahe ibadah shalat, lan
uga ibadah liyane. Dene Umume pengertosan
suci iku kalebu pertingkah lahir lab batine. Suci lahir yaiku ora ana najis lan
khadas dene suci batin yaiku ikhlase niyat amung krana Allah ta’ala, ora ana
syirik marang Penjenengane.
3. Banyu iku alat kanggo sesuci, mula penting
banget mangertosi ing bab hale banyu. Banyu kanggo sesuci iku ana 7 :
a. Banyu Udan
e. Banyu sumber ( mata air / belik )
b. Banyu segara
f. Banyu kali
c. Banyu sumur g.
Banyu Es
d. Banyu Embun
4. Parandene umume banyu digolongake rong
perangan, yaiku banyu kang saka langit lan banyu saka bumi ( Fathul qarib )
5. Kapitu jenis banyu mau suci lan kena kanggo sesuci
mula diarani banyu kang “ MUTLAQ “ ,
sauger ora ana Qayyid kang njalari owah ing wernane, ambune rasane
lan kahanane banyu.
6. Ananging banyu suci mau bisa makruh kanggo
sesuci, Kalamun owah sifate, kayadene dadi
banget panase utawa adheme, iku miturut Imam Nawawi. Dene banyu kang kena
panase srengenge ing wadah kang dudu emas lan perak iku mekruh kanggo sesuci,
kejaba yen wis
bali adhem mangka diparengake kanggo sesuci.
7. Dene banyu suci ning ora bisa kanggo sesuci (
mustakmal ) yaiku banyu tilas kang wus dianggo sesuci
8. Dene banyu kang diira-kira utawa kawistara jelas wus kecampur barang suci
liyane mangka banyu iku ya klebu banyu mustakmal. Kejaba banyu kang nyampur
mau, ora nyawiji karo sifate banyu, Contone. Banyu kang nyampur karo lenga,
lumpur, ganggang lll.
9. Banyu kang jelas kawitara utawa kinira wus kena
ing najis iku wis ora suci lan ora kena kanggo sesuci
kalamun sithik, yaiku kurang saka 2 kolah.
Dene yen najise mau najis ma’fu ( dimaafkan ) sauger ora owah sifat lan volumene banyu
mangka tetep banyu mutlak. Contone : banyu kang kecemplungan kewan kang ora
mili getihe. Ukurane banyu kang akeh ( luwih rong kolah ) iku, luwih saka 500 kati Bagdad
± 10 blek minyak tanah. Utawa ukurane kolah ambane 60 cm 3
Cathetan : *1
Ahli hadits papat yaiku Imam Abu dhawud, Imam thirmidzi, Imam
Nasa’I lan Imam Ibnu Majah